- -->
موقع مليون شاعر وشاعره مصرى وعربى موقع مليون شاعر وشاعره مصرى وعربى
الرئيسيه

آخر الأخبار

الرئيسيه
الرئيسيه
جاري التحميل ...
الرئيسيه

(حياة)خاطرة بقلم الشاعر⁦✍️⁩محمد عباس


 خواطر بعنوان : ( حياة )

بقي هيه دى حياة

تصحى تنام في آه

وبصيرة وفكر لا

وتطبطب ع الجراح

وتواسي حد راح

وتحافظ ع النواح

وتقاسي م البراح

بقي هيه دى حياة

ناس في ثانية بايعة

وناس اخلاقها ضايعة

وناس وشوشها سايعة

اكاذيب وضحكة مايعة

بقي هيه دى حياة

خلق وعايشين في تيهة

وناس تنكر ماضيها

وناس عارفه اللى ليها

وطبع الغدر فيها

وناس تشوف عيوبها

امال وخطوط عريضة

وناس شايفة حقوقها

لكن بايعة اللى ليها

بقي هيه دى حياة

هعيش وحدى في سلام

رغم النار والالام

بحلم ونفسي انام

هنسج توب الوئام

وياريت معروف ودام

اوهام صبحت لجام

بقي هيه دى حياة

العمر بسرعة يجري

والصرخة في قلبي تدوى

ووداع قدرك وقدرى

وكلام اتقال وبدرى

وظلام في النفس يضوى

بقي هيه دى حياة

الخير والشر غاية

وبداية بدون نهاية

تاريخ اصبح مرايه

مهما هتبلغ منايا

ترجع نفس البداية

توصل نفس النهاية

حلمى تفضل معايا

بقي هى دى حياة

وليف بدون اليف

وزائر جاي ضيف

بدون رتوش وزيف

ولسان زى سيف

وهجر بدون حليف

وساعات بتمر خوف

بقي هيه دى حياة 

ولاية حبي ليك

عشقي ادام عينيك

كلمة شوق بتناديك

فوضت ربي فيك

بقي هيه دى حياة

هدوس ع الصعب لازم

مش هيأس عمرى عازم

اقوى من كل هازم

عايش في حياتى حازم

بقي هيه دى حياة

الماضي في كلمتين

ترقب او حنين

رغبة اوانين

صراع مع السنين

بقي هيه دى حياة

محسود والعين رزية

راصدة حاجات غبية

ودموع وعيون عفية

حلقات من تمثيلية

بقي هيه دى حياة

الغلبة للفلوس 

وفلوس مع التيوس

وتيوس زى الناموس

وناموس زى الكابوس

وكابوس مزعج وسوس

وسوس مالي النفوس

ونفوس عاشقة الفلوس

بقي هيه دى حياة

الازمة في الضمير 

وضمير عاجز ضرير

وضربر بدون مصير

ومصير خالي واسير

واسير عايش فقير

وفقير محتاج نصير

ونصير هو الضمير

بقي هيه دى الحياة

البركة في القناعة

وقناعة يلزمها طاعة

والطاعة في الوداعة

ووداعة بس ساعة

وساعة تبقي مجاعة

مجاعة رغم البشاعة

وبشاعة ضد القناعة

بقي هيه دى حياة

بقلم محمد عباس

الاسماعيلية .مصر

التعليقات



إذا أعجبك محتوى الموس الشعريه وعه ا نتمنى البقاء على تواصل دائم ، فقط قم بإدخال بريدك الإلكتروني للإشتراك الموسوعه بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

إتصل بنا

جميع الحقوق محفوظة

موقع مليون شاعر وشاعره مصرى وعربى

2016