........ نصر اكتوبر........
اكتب التاريخ بحروف من نور
حرب اكتوبر تاريخ محفور
كلم كل العالم عن جيشنا المنصور
وازاي قدرنا نقهر الجيش المغرور
واكتب عن اراده وعزيمه الرجال
وازي قدروا يحققوا كل المحال
واشرح ملحمه ازاى عبروا القنال
وارسم علم مصر بالدم اللى سال
دون وعرف معانا كل المؤرخين
ازاي احنا عبرنا في تلاته وسبعين
الساعه اتنين الضهر كانوا صائمين
الله اكبر يا مصر والنصر لينا امين
ادي محمد واحمد ومعاهم يونان
جورج ومينا واخوهم عبد الرحمن
اتوحدت عروبتنا واندمجت الاديان
صوت جرس هنا معاه صوت الاذان
قالوا علينا اننا جيشنا اصبح رديف
وصفوا جيشهم هما المرعب المخيف
وروضنا احنا جيشهم كأنه طفل اليف
ست ساعات قدرنا نعبر خط بارليف
كلمات
محمد السيد سالم
