موال غناء على الربابه مربعات
بعنوان (في الدنيا ملناش حظوظ)
شكيت الدمع ليك
لقيته كل فيك
والقلب اللي هجرته
لسه يا عمري شريك
ايام صعبت علينا
م حبيب يحس بينا
واللي أملنا فيهم
سبونا ف وسط الطريق
يا قلبي متسيبهم وانسى
زي قلبهم اقسي
والهجر اللي كواهم
من زمان يا قلبي كوييك
اوعاك ترجع تاني
مفتكروش ليه زماني
دلوقتي راجعين لينا
بعد منشفت عنييك
يا دنيا متنصفينا
علي طول قاسيه علينا
والحب اللي حبناه
طلع ي دنيا عبيط
ف الدنيا ملناش حظوظ
كترت فيها الوشوش
قدامك يطبطب ويضحك
وفي ضهرك يطعن فيك
متقولي ليه يا زمان
فيك الأصيل تعبان
عمال يصرخ ويبكي
والقسوه طبع فيك
شاعر العاميه
نبض الصعيد الجواني
خليفه الابنودي
أدهم السمهودي