مسيات الحسن . .18/ 9/ 2020
( نور و نار )
بقلم الشاعر : حسن حلمى
احنا اللي بينا مش كلام
ولا همسه حلوه بالغرام
احنا اللي بينا نور ونار
شمسنا الحلوه تغار
ان هل بدرك يوم نهار
راح يترسم ضل النهار
فوق الخدود قبل الغروب
تسقيها من عطر الورود
تهدي الندي لعطر روحك
وتنحنيلك من جمالك
هو انت اجمل ولا مين
ان قالو خد الياسمين
راح ابتسم واقول
يا ناس ده انا بسمتي
من نور عينيه
وهمستي منه اليه
احنا اللي بينا مش كلام
ولا همسه حلوه بالغرام
كل الحكايه ان احنا كنا
نحضن النسمه تغير
وتقولي ليه عطر العبير
لساه يفوح فوق الجبين
منا قولتلك اه يا نسيم
احنا اللي بينا مش كلام
اصل انت ليله كنت غايب
ونظرته بالجمر زادت
دفت الضلوع ولمست
كل دقه بالنبض زادت
اصل روحه ساكنه روحي
يوم ما ناره الحلوه قادت
اتبسمت حتي الخدود
والعطر فاق كل الحدود
يلمس ضلوعي بالوريد
وانا كل نار الشوق تزيد
منا قولتك اه من زمان
احنا اللي بينا مش كلام
ولا همسه حلوه بالغرام
احنا اللي بينا نور ونار
بقلم الشاعر : حسن حلمى
