مين اللى عليه الدور مين الضحيه
الجانى واحدالضحايا الفين ضحيه
ولو سكتنا كلنا العدد هيزيد شويه
مش احنا قولنا وقرننا اننا
قوميتنا كلنا هى العربيه
مين الضحيه
النهارده الضحيه من العراق
الحجه مختلفين بنهم عراك
والجانى اقسم مالى سواك
انا حبيبك روحي فداك
قولى ازاى انال رضاك
اعوضك كل كان من اسيه
مين الضحيه
ادى ضحيه كمان فى جيبى
انت عنيه وانت دارى بى
انت حياتى وانت حبيبى
كل منايا تبقى نصيبى
وانا علشانك هبقى ليبى
لاء واتكلم لغه عربيه
مين الضحيه
حاسب بقى هتفوت دورى
دا مستنى تجيلى ضرورى
بصرخ انا الصرخه ف ذورى
يله تعالى انا حافظ دورى
انا من الشام واصلى سورى
يله هشيلك انا فى عنيه
مين الضحيه
بس وهس خلاص ياعنيه
أوعى هجيلك وفى سريه
اصل النفط دا غالى عليه
جاى ومعايا قواعد جويه
لاء وكمان أفراد بشريه
انا جاي ليكى ياسعوديه
مين الضحيه
وسع وسع جاى رهوان
جاى ومعايا نبع حنان
كل الخير شايله وكمان
ازرع شجره كمان بأمان
تطرح فتنه وفى لبنان
هى خطه بس ذكيه
مين الضحيه
أوعى تقول عليا انا مين
انا جوايا حقد سنين
بص عليا شمال ويمين
ادعى عليك تقولى امين
شوف بصمات فى فلسطين
واوعى تقول افكارى غبيه
مين الضحيه
كلمات
محمد السيد سالم