—————
إسمعي مني الكلام دا
مش هقوله تاني ليكي
مش بضعف لكن بخوف
خوف حقيقي كتير عليكي
حسي مره وافهميه
من إنسان أنتي جرحتيه
يمكن انتي ماحبيتيه
لما سلم روحه ليكي
كان معاكي بينسا همه
لما حضنك انتي ضمه
كنتي روحه وكنتي أمه
كنتي أغلي الناس عليه
تجرحي ويقول شاريكي
عمري مااقسي يوم عليكي
كل دا ماكان راضيكي
كنتي عايزه بس إيه
كنتي عايزه بس إيه
=============
إسمعي قلبي اللي عاش
ليكي يسعد دنيتك
عن عيونك إنتي حاش
كل لحظه دمعتك
جايه دلوقتي تقولي
كل شيء قسمه ونصيب
وان حتي اللي ادتهولي
أنت برده مش حبيب
كنت بحلم إني اكون
حد عايش حلمه بيكي
بس قلبي ازاي يهون
بعد ماكان راضيكي
كان معاكي بينسا همه
لما حضنك انتي ضمه
كنتي روحه وكنتي أمه
كنتي أغلي من عينِه
تجرحي ويقول شاريكي
عمري مااقسي يوم عليكي
كل دا ماكان راضيكي
كنتي عايزه بس إيه
كنتي عايزه بس إيه
=============
كنت بحلم بس حلمي
ضاع بسببك وانكسر
كنتي عايشه جوه دمي
واتاري دمي راح هدر
إيه هقوله ليكي تاني
وانتي مش حاسه بمشاعري
رجعيني لروحي تاني
رجعي قلبي اللي باعني
راجعي ايام حياتي
اللي كنت عايشها ليكي
عيشي جوه ذكرياتي
وقلبي صدمه عمره فيكي
كان معاكي بينسا همه
لما حضنك انتي ضمه
كنتي روحه وكنتي أمه
كنتي أغلي من عينِه
تجرحي ويقول شاريكي
عمري مااقسي يوم عليكي
كل دا ماكان راضيكي
كنتي عايزه بس إيه
كنتي عايزه بس إيه
==============
أحمد طلبه.