ليه أيامنا شبه بعضيها
كيف نسخه الكربون
مفيش حاجه فيها تغيرت
نفس الشكل ونفس اللون
الحلو فيها اختفى
والمر فيها فايض مخزون
العذب فيها جفى
والمالح فيها بحور
خف اهاتك يا قلبي
وخفي البكا يا عيون
ليلنا قلب نهار
نايمين وصاحيه الجفون
يا دنيا خفي علينا
حملك زاد مليون
طعمك بقى حنضل
ومررتي جوانا البلعوم
لبسنا مبقاش يسعني
ومش حملانا الهدوم
هو احنا جناكي بالغلط
ولا علينا مقدر ومكتوب
يا دنيا خفي بلاكي
ولا البلا عندك جرون
من الفرحه بدري فطمنتينا
ولبنك رضعناه هموم
في الغلب خلفتك كتيره
وفي الفرحه زوجه عقور
طعمك مالح وزادك مالح
وحلوك منزوع من الكون
خفي الامك علينا
وابعدي عننا هالجرثوم
عكنن علينا شبابنا
وخيم عليها الكرون
حبسنا ليه في بيوتنا
كيف الأرانب في جحور
لو كانت ذنوبنا كتيره
هنمحيها بالصلاه والصوم
فمهما غلطنا وعصينا
فربك ربك غفور
يارب هون علينا
لا احنا جبل ولا صخور
خليفه الابنودي
أدهم السمهودى