نجم صاعد · الآن
وشــــــك صبـــــح
حبيبى
وشك صبح
يجيب ال فرح
تطفى ببسمك
نار الجرح
يطرح عودك
اجمل طرح
يبعت شوق
رقة وزوء
غمزة طرفك
هى الطوق
تنشل قلب
ان كان مخنوق
بص لفوق
تلقى جمالك
دون مسحوق
من غير روج
زى البدر
ف اعلى بروج
سايب شعرك
زى الليل
يغسل ضهرك
موج النيل
بيقول انجيل
كلك عزة نفس
أصيل
قد ك زان
أو قول خرزان
بيفوح عطر
كما الافنان
توبك لخضر
حلو المنظر
خدك ازهر
قول تفاح
ياحبيبى مقشر
مهما يقول الناس وتكرر
راح اقول اكتر
كلمة حق مش تتزور
قوم واتمخطر
تلقى الخطوة معاك بتغير
لون الارض كمان يتخضر
ومهما الناس تكتب وتحضر
حسنك اكبر
حضنك نار
للذنب يطهر
والصبر فى قربك
شهد مكرر
بس اتذكر
يوم ماعرفتك وانت صغير
كل حنان الكون يتفجر
جوة عنيك
الحب بيكبر
تسمع اسمى
تقوم وتدور
وتقول فين
نن العين
اللى وجوده بين حرفين
حرفك حاء
جمب الباء
حب الدنيا
جمع الاتنين
رغم عوازلك واللايمين
كنا الورد والبساتين
عشنا العشق ف احلى سنين
مجنون ليلى وقيس لبين
كبرت بينا كمان حكايات
مرت بينا كما اللحظات
وغاب العهد مع المسافات
ونسينا اجمل لهفات
وصار الدمع بدل بسمات
فاتت اعوام ....
مرت سنوات
رجعنا نقلب فى الصفحات
ونفسر معنى النظرات
ونتفكر دفء اللمسات
ونور الفجر مع العبرات
وهو كتابنا هيروح فين ؟
داجوا القلب والشرايين
لو نعمل محنش شايفين
نلقى عيوننا علينا شهدين
سر ف قلبك سطر جبين
يقراها كل العاشقين
المتعلم والجهلين
اصلا عارفين
انك مالى القلب حنين
انى ف روحك
عالى مكين
ألف خسارة مش قدرين
لحظة نبوح
ونقولها لمين ؟
عيب الشوم ؟
انتوا الاتنين ؟
مش معقول ..
انتم مجانين ؟
رحت شمال
وانا رحت يمين
لكن عايشين
بسر الحب
بدق القلب
بنبض عروقنا
بنور الدرب
ياعشق سنين
حقولها كمان
اقصر عنوان
أحلى مافيك انك انسان
وانا انسان
شق قلوبنا نهر حنان
حبك خالد ..
ع الأزمان
بحبك فايز...
مش خسران
د \ احمد عبد الرحمن