على كل اللي حصل بينا
وصون العيش
وليه الفرقة تقابلنا
صراحه مفيش
بكلمه واحدة تجرحنا
ولحظة تطنيش
مافي هدمة تداري اوجاعنا
مافيش غير خيش
وطعم البسمة فى وشوشنا
كلها خرابيش
نقول الآهه ماتسمعنا
غير الخفافيش
نتوه فى بحر احلامنا
ولا الحرافيش
نقول كان ليه بس صدامنا
مع التهميش
ونتجادل وقت صراعنا
فى لحظة طيش
ونرفع رايات أعلامنا
ولا الدروايش
وننسى كل اللي بينا
ولا نضحيش
مفيش غير قالوا وقلنا
بنفش الريش
ونشكي المر لزمنا
دموع بقشيش
مفيش معنى فى كلامنا
غير التهويش
متيجي نصالح ايامنا
وماتلومنيش
(((أسامه جديانه)))