وحياة مين سماكي حبيبه
وخلاكي ليوم م القلب قريبه
وزرع جوايا الف اشتياق
وخلاني معاكي كاره الفراق
وحياة الوتين اللي اتربعتي فيه
وغلاوة النبض اللي بغدرك طعنتيه
ترجعي زي زمان مرجومه وغريبه
وحق الوجع اللي هز الجدع
وسهر ليالي ودموع تلالي
وحلم اتصدع
لاجردك من حناني وابليكي بحرماني
ويشوف ويتفرج العالم
علي بلياتشو الكل فيه اتخدع
اسلسل جواكي احساسك
ويستعيذ منك ناسك
اصلك نبته مريبه
قسما بربي المعبود
لاخلي الهجر يدبلك العود
واللي فرحانه بيه وبكره مش هتلاقيه
اتمختري وافرحي برنة خلخال
اتعايقي بجمال وامشي بدلال
بس صدقيني
كسرك مش محال
ده الجرح بيطول الطبيب والطبيبه
وحياة كل حنيه ضميتك بيها
وكل دقه عشتي فيها
لاضمك كمان ضمه اخيره
تندمك انك خسرتيها
بمشاعرك السكيره
وتكونلك ذكري لايام الحنان والطيبه