الوداع يا ابو الوداعة
ياترى انت اللى بتودعنى
ولا انا اللى بودعك
واغسل همومى بدموعى
واندم على كل كلمة
اتقالت
كانت بتوجعنى وتوجعك
هتسامحنى ولا هتدبحنى
حبيب قلبى
ياريت من تانى
لحضنى ارجعك
الوداع
كلمة حق
حد يقدر يقول
للموت لا
او يهرب منة
قى بيت او غيط او مدق
الوداع
سالونا
عامل اية مريضكم
قولنا سليمنا مات
من غير
الم ولا وجع ولا اهات
علشان الكل يتعظ
من هادم اللذات
الوداع
وجالك الموت ياتارك الصلاة
اية هتقول لربك
لما الكتاب يتفتح ويتقرا
دى دنيا كدابة
هتسيبها وترحل
لو هتكسب منها
قناطير مقنطرة
الوداع
المال وقسموة..وصاحبة نسيوة
وانا بتحاسب علية
وهما ضيعوة
الوداع
وفر عليا دموعك
ياللى مارحمتنيش فى الدنيا
لما كنت موجوعك
وتوب لله
اكيد هيقبل رجوعك
الوداع
ياللى خالفتونى..وياما بكتونى
وودعتونى ..وسبتونى
فى قبرى وحيد
انا وعملى
ودعيت ربى يغفرلى
فوق وتحت الارض
ودة املى
ويدخلنى جنتة برحمتة
مش بعملى
الوداع
وياللى ظلمتك سامحنى
لما تفوت على قبرى وتلمحنى
وادعيلى يمكن دعوتك
يرحمنى بيها ربنا ويريحنى
الوداع
اية يفيد البكا والندم
بعد مابقيت تراب وعدم
زى قصر كان جميل واتهدم
الوداع
انت فوق
وانا تحت التراب مدفون
لا حسب ولا نسب
دة الكل هنا
حقة مضمون
لا مال ولا جاة
وكفن من غير جيوب
وعملك ياليك ياعليك
وبا الجرام موزون
الوداع
اعذرونى
لو فلبت المواجع عليكم
وفكرتكم
با الحبايب اللى كانوا
ادام عنيكم
وسامحونى
على الدموع اللى نزلت
من عيونى وعنيكم
الوداع
لية خايف من الموت
ياتوتو
زى ما فية حياة
لازم الناس يموتوا
ووليد.فى حضن امة
وغيرة القبر بيضمة
والكل تحت التراب بيتساوى
الوجية الامثل وهلفوتوا
واللى هييجى علية الدور هينزل
وعمر القطر ما يفوتوا
بقلمى
محمد يونس