شهداء الوطن
******
ذنبك إيه يابني تطلع من بيتك ولا ترجعش
إلا وانت هدومك كاسيها دمك
وليه الغدر من خنازير حللوا الحرام وقتلوك
واخوانك وحرموك حضن أمك
وعلي أد ماحنا زعلانين عليك لكن حقيقي
كلنا ومن قلبنا فرحانين لك
مانت انهاردة دمك نورعلينا.. لكن راح يكون نار
نارعلي عدوينك اللي متخبين لك
انت واخوانك اللي راحوا في لحظة النهاردة عرسان
عرسان في الجنه ودي دعوة أمك
وبص بروحك علي أمك هتلاقي بدموعها فرحة
فرحة بشهادتك فداء بلدك وأمك
وأوعي تزعلي يا أم الشهيد ده إبنك حبيبك ربنا حقق أمنيه
وحقق لك فيه دعوة كانت من قلبك
بأنه يحميه ويحرسه وساب دنيا الغدر والخيانة وعند ربنا
عنده مستني اليوم اللي يبوس فيه يدك
وانت ياشهيد الوطن عيون أبوك دامعة لكن الدمعة بتلمع
بتلمع لما وسام الشهادة هديته كانت منك
يامصر يأم الدنيا ربنا يعفي عنك ويرحمك من غدارين
وغدورا بيكي وبالشهيد اللي رضع منك
وانتوا يا خنازير الدنيا أوعوا تفتكروا الدنيا ليكم وبكرة ياسينا
كل خنزير غدار راح يندفن بناره في رملك
( بقلمي / عماد المأمور )
***********