يانجوم الليل السهرانه ويا الليل وقمره
ياشهود علي حبي اللي انكتب علي قلبي وصبح قدره
وياعيون عاشقه حبيبي وعلشانه سهرانه
ويادموع علي الخدود في ليالي غيابه حيرانه
خليكوا شاهدين علي حبيبي اللي بقاله يومين مجافيني
بعيد عني ومعذبني وخايفه يكون ناسيني
ياعاشقين تعالوا اشهدوا علي حبي ليه وظلمه
واوصفوا دوا لقلبي اللي بيتمني حبيبي وقربه
وياهل تري اشكي لمين عذاب غيابه وهجره
ومين هيقدر يااهل الهوي يحس بيا ويروح يقوله
يمكن يحن عليا ويجيني حبيبي ويطفي حنيني
وزي مابتمني رضاه هو كمان يحن عليا ويجيني يرضيني
ده انا عمري كله من يوم ماحبيته وهبتهوله
يانجوم الليل ياحسه بيا ومصبراني علي بعده
خليكوا شاهدين وقلولوا مش قادره علي حرماني منه
واحكولوا لما كنت سهرانه انا وطيفه وكل كلامه رددتهوله
رضيت غصب عني بغيابه وكان املي الأشواق تقرب قربه
ده انا من يوم ماعرفته وانا عرفت طريق الحب و الهنا
وكل دقيقه بيغيبها عني فيها كل العذاب والضنا
ده غرامه ليا صبح كل حاجة حلوه في حياتي
ومعاه بانسي كل عذابي وبتحلواْ كل اوقاتي
واحساسي معاه من كتر حلاوته ماقدرش علي وصفه
ماتستغربوش من حبي ليه واشواقي يا نجوم الليل
ده ياما القمر غار منه وواساني علي صبري
حبيبي يااجمل شيء في الدنيا تعالي ارحم وجدي
بلاش تعذبني ياعمري في حبي وانت دوا قلبي
خواطر ( أشرف الدغيدي )
حقوق الملكيه محفوظه