.....................
لسنين بداري
عاللي بيا وأخاف أبين
مال قلبي حساه في وسطكم
ما بقاش حنين ...
لا دموعي بتداوي الوجع
وترد روح ..
والعمر عداني وسبق
دبلاه الجروح ..
مجروحه من نظرات عيون
بتقول كلام ..
صعبت عليها أرضي بور
حرمانها بان ..
وعيون بيدبح صمتها
ضحكه بأمان ...
مع كل همسه وكل لمسه
نهايته أيه ..
إحساس غريب كأني شوك
الخوف ساقيه ...
فات حلمه تاه رافض لقاة
وحرمني ليه ...
محتاجه يرويني الأمل
فوق غصني طارح
وأسدل ستاير شكويتي
على ود مالح ...
وأسمع في كلمه فقدتها
بحروف حنان ..
كلمه يا ماما ده حضني
مستني لزمان ..
دبلت شجوني ودمع عيني
خلص كمان ..
راضيه بحالي وقسميتي
ونصيبي كان ..
مكتوب عليا أعيش
كأسم بدون وجود ..
ما أرضي جفت من زمان
ذكراها بور ..
سبحانه قادر إن وهب
وكن يكون ..
بحمده صبري يزيد امل
يرويني نووووور ..
ودمع عيني اللي خلص
يرجع يعود
المرة دي من فرحتي
بذكرى ووجود
حاسه إن أم إتبسمت
لها غصن عود
بقلم .. صبري رسلان