.
#من_أمنك_لم_تخونه
.
من أمنك لم تخونه
وأمانة تكون ف عونه
لو يوم باح لك بسره
السر لازم تصونه
ومن أمنك لم تخونه
لو صاحبك مرة جالك
وصارحك بالعيوب
روح غير يلا حالك
وعن عيبك تتوب
م تحافظ ع الأمانة
وقلبك يكون معانا
ده اللي ف طبعه الخيانة
الناس عليه يهونوا
ومن أمنك لم تخونه
لو عاز صاحبك مشورة
خليك وياه صريح
إوعى تشوه له صورة
بعدين يصبح جريح
ولو مرة احتاج إليك
خليك مادد إيديك
عمره ما يبخل عليك
لو تطلب يوم عيونه
ومن أمنك لم تخونه
لو قابلك ف الطريق
خليك دايما معاه
لو شوفته ف يوم غريق
إرمي له طوق نجاه
وريه فين الحقيقة
وقوله في 100 طريقة
لو راح يبعد دقيقة
حتعيشها ازاي بدونه
ومن أمنك لم تخونه
.
الأغنية موثقة
في ديواني #يلا_نغني
.
*
*
#مدحت_يوسف
.
21/4/2020