يااللي نويت ع الغربة إسمعني ومتمشيش
فى الغربة قلبك هيموت صدقني مش هيعيش
وتتكلم عن وطنك أيوة لكن هتتكلم بشويش
وتموت جواك أحلامك من أجل التحويش
وترجع تلاقي أمك كبرت وكمان مبتمشيش
وإبنك الكبير بقي شاب وكمان دخل الجيش
وبنتك خايفة منك وبتدارى جنب النيش
وتسأل عن عمك وعمتك يقولولك انت تعيش
والبيت اللي انت بنيته بتسكنه الخفافيش
ومراتك شعرها شاب والوش بقي كراميش
وفلوسك في البنك كتير وطعم الحياة مفيش
راجع حساباتك الغربة قربة وتمنها ميساويش
نصحتى بقولهالك قبل ما تمشي وترجع متلاقنيش
موال الغربة
بقلمي /أحمد سنجر