لما مات الحب بينا
سيبنا طهر القلب مات
واختلقنا لبعض عيب
نعكس الصدق رويات
قلنا غيبة وبنميمة
هي دنية خد وهات
والحقيقة مر طافح
الكل جارح
واستخبي فالسكات
لما مات الحب بينا
فقدت الصورة الملامح
توهنا جوا ظن بعض
وبعض ظننا اثم فاضح
قلوبنا دي بتدق غصب
لما يبقي في مصالح
لما مات الحب بينا
رخصت الروح النقية
دمنا بقي لونه باهت
اللي ماتو مش ضحية
القضية شوطة سادت
كيف اقول يلا نفسي
لما نفسي عليا هانت
لما مات الحب بينا
قلت بانت
قلت حربنا مش سلاح
اخلاقنا دراعات اخطبوط
احنا شاطرين فالجراح
مات ضميرنا شهيد جنيه
والمبادئ سلعة باتت فالبراح
قلت كان في حاجة بينا
علم ممكن حلم جايز
بس مكسور الجناح
كان هنا انسان وراح
..
نفسي نرجع تاني صحبة
ايد فايد والحلم جامع
صوتنا انشودة امل
تشرح القلب اللي سامع
قلبي بيشاور بعيد
شكله شايف حلم راجع
......نور العفيفي