يا صباح الياسمين والفل
على درش صديقى وعاللول
حسن ابو على دبدوب بكابوزا
صافى النية صديق الكل
اغلى ثلاثة اصحاب فى الدنيا
يارب مايعرفو طعم الذل
هوصفهم ليكو بالترتيب
وندردش مع بعض شوية
مصطفى ابن أصول ومؤدب
هادى كمان وقوى الشخصية
اول كلمة معاه تتأكد
ان شهامته مية المية
اصله طبيب اقسم على نفسه
يوهب كل الناس حنية
بس غيور جدا وموسوس
عمره ما يقبل لحظة أذية
اصله صديق الكل وغالى
شهم صحيح سليم النية
كلمته واحدة وانسان واضح
وقت الشدة يكون الناصح
ياخد ايد الناس للخير
بعشق صدقه وقلبه كبير
بتمنى له لو ينجا من كل بلية
اما اللول حكاية عجيبة
على انسان محبوب ومثقف
كل مواقفه شهامة وطيبة
لكن دايما ساهى وغامض
دايما بيخطط لمصيبة
طبعه شقاوه وتقله غلاوة
قربك منة وناسة وخيبة
زى الطفل هيلعب بيك
ساعة يضمك ساعة يؤذيك
بس نهاية الرحلة هتعرف
انه بيشبه ابنك مثلا
مهما بيخطا عشمه كبير
انك يوم ولا تزعل منه تبق ابوه
وف وقت الشدة
هو وكل ما يملك يبق
ابنك ضهرك ملك ايديك
ابنك مهما بيغلط برضو
يفضل دايما غالى عليك
مهما تشوف من فعله قساوة
هتسامح ماهو ضى عنيك
حسن ابو على ده لذيذ الشلة
عمره مايقعد ابدا ساكت
لما الصبح بتقهر وده
بتحس نهارك مش فايت
وزنه تقيل وبخفة روحه
يجرى عليك لو شافك ساكت
وزنه عشرين فوق المية
قصة شعره كلاس وغريبة
زى الست رجاء جداوي
قاعد ياكل طول اليوم
ويدبر للكل بلاوى
هو مشاكس بالتأكيد
لمداعبة كل الناس غاوى
يعمل كل مقالب الدنيا
وبيصنعها بروح الهاوى
مع انه فرفوش وحنين
عمره ماوجع الناس كان غاوى
لكن فرط الحركة طبيعته
شقى بزيادة وحظه شكاوى
مع انه مهندس معماري
بس طبيعة شخصه بسيطة
باندا وديعة و لحن غناوى
على ابسطهم فى التعليم دارس معهد حاسب الى
حاسس انه وزير تعليم وبيتذاكى
علينا جميعا واحنا بنعشق زوقه العالى
هو بسيط جدا من جوه طفل كبير
وباحساسه هو الغالى
هو يوماتى يتجادل مع حسن ابو علوة وبيتصافو اليوم التالى
درش المصلح دايما بينهم وانا بعشق صداقتهم جدا
عمرى ما بقدر ابعد عنهم ولا لحظة بيفارقو خيالى
هم الصحبة الحلوة ودايما مستقبلهم شاغل بالى
ياما كتير بتونس بيهم ياما كتير سامرونى ليالى
لو حد يزعلنى ف لحظة واحكى لدرش الوضع الحاصل
بيبهدلهم ويقول لى اخواتك ولا تزعل انت اخونا صاحبنا الغالى
استحملهم اوعى تفكر تبعد عنهم
كلنا منك فعلا هم دراعى ومالى
احفظهم مالدنيا يارب وأصلح احوالهم مع حالى
وارعاهم برعايتك دايما
بعد ودادهم ايه يبقالى
بقلمى ..نبيل عبد الرحمن