(والله وحشتيني)شعر غنائي بقلم الشاعر/محمد البريمي

شعر غنائى ..
((( و الله وحشتينى )))
و الله و الله وحشتينى  ..  واحشنى صوتك يا عيونى ..

كل يوم بأستناكى  .. لما الناس لامونى  ..

على سهر الليل من غير فايده  .. و عيون القمر آهى شاهده  ..

لما غلبت كلام و  مناهده  .. إمته هتيجى و يهينونى  ..

       و الله و الله و حشتينى ..

وحشنى  صهيل  الليل .. وحشنى  حبك و غرامك .

وحشتنى  الآه و التنهيده .. و إنتى بتحكيلى منامك  ..

و أسمع منك و اتألم  ..  و دموعى ع الخد تعلم  ..

و أرضى بنصيبى وأسلم  .. و يصعب عليا من كلامك 

        و الله و الله و حشتينى ..

مافى ليله تعدى عليا .. إلا ونا بأشكى للشوق 

فين حبيبتى و ضى عنيا .. يقولى سلامتك  م  الشوق ..

قلب حبيبتك مش وياك .. مشغول بعذابه وناسى هواك  ..

دا بكره يرجع و يترجاك .. و ضميره يصحيه و يفوق ..

        و الله و الله وحشتينى .. 

بقلم الشاعر ..
محمد البريمى ..