.............................
الف حمد لك يارب ..
كله خايف من كورونا
والقلوب بتقول غيثونا
فيه اللي عاصره كام لمونه
والديتول ريحه وصابونه
وأدعي لينا وليك يا أبونا
كل بيت بيقول يااااارب
اللي أقوى من كورونا
اللي باع أمي و أبويا
سد باب رحمه وفاتونا
راح لباب القبر ناسي
يلقى مين ينده عليه
اللي أقوى من كورونا ...
راح فيه حق واكله أخويا
والبنات ماشيين عرايا
وش فالصو ووش بويه
مين يصدق مال يتيم
شافطه عم بأمضا شين
خلف باب جيرانه مالك
من الخيانه كوم يشيل
أب كاره لون حياته
جاه إنتقامه من بناته
باع في لحمه فك دين
إبن جاحد هان أبوة
بدون معاشه كان رموووه
ايد بتضرب بكى فيا
له لسان كرباج لأبوه ..
عشق عشق وحب دوب
كل غلطه وليها تووووب
لمي حالك قلب جاحد
لكفتيه لو جانب طوب
شوفتوا ظالم هده ظلمه
حتى حق الموت باعوووه
جثه داخله وجثه خارجه
والحساب أهله ناسوه ...
كله راجع للتراب
صلوا صلوا .. ووحدوووه
كارهه عيشتك بالتراضي
100 محامي وكوم قواضي
وبشهود الزور تنادي
يا ضلالي إحلف يمين ...
يا ضلالي بترضي مين
ليل وسترة مش لهذا
مزه حلوه وخمرة طازه
في الحرام كاسرين قزازه
شم بلبع 100 لذاذه
والنهايه فضيحه شين ..
داري داري لسه باقي
ياما فيه في جراب يا حاوي
اللي تاب واللي ناوي
واللي هده العمر غاوي
لابسه جن وهات فتاوي
حلل الحرام في أيه ..
اللي اقوى من كورونا
بقلم .. صبري رسلان