بوسوا الأيدين وش وضهر
علي الصحة والعافية
فى ناس لا قادر تاكل ولا تشرب
وبتمشى بالعافية
زعلان لأنك فقير دقة وبتعانى
والفكة مش كافية
الرزق قل بطران حكمتة احمده
رحمة ربنا واسعة
الصحة لو راحت عمر الفلوس
لا شافعة ولا نافعة
لك جوز عيون بتشوف بها وودان
مطقطقة وسامعة
ورجل ماشى عليها فريره سليمة
شايلاك ولا ممانعة
عندك عيال وزوجة لما يشوفوك
بيطيروا من الفرحة
وناس بتسال عليك ينشغلوا لو
غبت عنهم لو لحظة
غيرك لا لاقى السند ولا عنده الولد
مقطوع من شجرة
حاطط أيديك على خدك وبتشتكى
من أمور فارغة
لحمدت ربنا على العيال و الزوجة
ولا الصحة والعافية
وباصص للى فى أيد الناس وعايزة
مخلصة وخالصة
الدنيا من ده وده بتاخد وتدى
لا مكدرة ولا صافية
وكون عبد شاكر وحامد تحمد ربنا
فى السارة والضارة
الشاعر /عبد المنعم حمدي رضوان
، طعم تانى
اللوحة للفنانه المبدعة/شيرين حسين