بما أن النفاق كالعاده
ف بلادنا أكيد كسبان
هتطبل كتير للساده
راح توصل لأعلى مكان
بما إن الصراحه بتخسر
راح نكدب كمان وكمان
ليه تزعل وليه تتحسر
وايه يعني ما تبقا جبان
يا قطر الحياه يامعدي
بسرعه مخلعه القضبان
انا ضدي و متحدي
وكان ودي أكون إنسان
بيبكي الحرف متردي
وبيت شعري مالوهش بيبان
ياراسم صوره على كدي
من دمعي وخد ألوان
يبان الحزن على خدي
سواد الدمع يارسام
يا سامع حرفي متلومشي
وما تقولش دا صابه جنان
حلمنا بحلم مكملشي
وقولنا الظلم راح يمشي
خسرنا وهو ماخسر شي
غرقنا ف بحر م الاوهام
وبما أن النفاق كالعاده
فى بلادنا أكيد كسبان
هتطبل كتير الساده
راح توصل لأعلى مكان
بقلم / حسني مهدي
