طمنونى ع الحبايب
وابعتولى كام جواب
أصل قلبى ف حبه دايب
والمحبه مش عتاب
طمنونى بجد مره
وابعتولى يومها صوره
نفسى أسمع كلمه حلوه
أصل قالو قلبى داب
فهمونى إيه ظروفه
واعرفولى إيه نظامه
هو بطل يومها خوفه
وللا قلبى شاخ وشاب
كلمونى ع الموده
أصل حبى كان قديم
أيوه هو بقاله مده
بس حبى كان سليم
علمونى لما افكر
أبقى عارف إنه منى
أيوه حبه كان مسيطر
بس خالف يومها ظنى
أصل حبى كان علامه
حتى كل الناس شافوه
واللى وقعوا ف غرامه
رجعو تانى ف يوم نسوه