حكاية حمدان والبنات
................. ......
كبر فى السن عمى حمدان
الحمل ثقيل والكاهل تعبان
زاد عليه الحزن والهم
لما شاف فرح بنت الجيران
شاف الجهاز سرب طويل
أنواع متكرره أشكال وألوان
رغم العروسه لا أدب ولا جمال
العريس طمع فى بنت الأعيان
الكل بيجامل قريب وغريب
لأن الجيب بالمال عمران
حمدان عنده من البنات ٣
سعاد وعبله وإحسان
رباهم على كتاب الله
لا يمكن يغويهم شيطان
فى الليل الناس تنام
وطول الليل يفكر سهران
خايف من غدر الأيام
يحسب حساب الزمان
البنات كبرت ، الوقت فات
مين يرضى يناسب غلبان
الناس مصالح ومظاهر
عن أصل الحقيقه عميان
القلق جعل القلب حزنان
الدموع على الخد وديان
خايف العمر يعدى ينتهى
البنات من بعده تتهان
اااااااه والف ااااااه
ليه صعب أوى يا زمان
الغلبان أصبح كمالة عدد
مالوش فى الدنيا مكان
بدون مال وجاه وسلطه
يعيش الفقير ضعيف متهان
القلب يندب وينزف الأاااااه
والألم محجوز جواه متعان
الحمل على رب العباد
وهو الخالق والمستعان
............................
بقلم.ابراهيم الحلوانى شوقى