بتقولى ايه
بقولك طلقنى
وانت من امته كنت مقدرنى
على طول بتهملنى
حاولت مره انك تفهمنى وتعرف
ايه اللى مضايقنى
حسيت مره واحده بيا وعرفت
ايه اللى على الغلب ده معاك
مصبرنى
انا شايفك سعيده ومش بتشتكى
والبسمه على وشك مش بتنتهى
ايوا عشان بظهر عكس اللى
جوايا عايشه حياه ممله وكدابه
وعمرى ماقلت راحه صحتى
معاك وصبايا
لكن الكيل طفح امسحى اطبخى
جهزى نيمى اكلى رووحى تعالى.
وكان نفسى اصرخ
بس خوفى من صوتى انفضح
جيت فى مره تقولى تعالى
اخرجك ادلعك
نتمشى انا وانت ساعه عصارى
ولا خفت جيبك ينجرح
حقك عليا ياام عيالى والله
ماكان على بالى انشغل عنك
ولا اقدرك
عارفك صابره ومتحمله
مانتى اصيله وللعشره مقدره
عهد مابينى وبينك لاعوضك
والهم انسهولك
وطريقك بالورد افرشهولك
وحطى ايدك فى ايديا نربى
عيالنا
حياتنا حلوه وقدامنا
امل راح احققهولك
قلب حائر
بقلمى هويدا عبد الرحمن