الدنيا محطة والعمر
قطار بيجرى فيها
وكل واحد لية فينا محطة
لازم ولابد ينزل فيها
انا عشت زمانى
وكنت فية سلطان زمانى
وكنت فية انانى
جيت على ناس وجرحت ناس
انا كنت عاصى وعملت كل المعاصى
وشيطانى دائما جوة راسى
نسانى ربى
وربى عمره فى يوم مانسانى
اوعا يابنى تتخلى عنى وتنسانى
طهرنى من زنوبى واحزانى
انا كنت فى الدنيا بحاسب
ومكانش فى بالى
ها يجى يوم واتحاسب
شيطانى غوانى
وفى حب الشهوات رمانى
فى طريق المعاصى خدنى ودانى
وقالى خلاص انتا مش راجع تانى
الشيطان كان ماشى فى دمى
ودائما منسينى همى
اخترتى باينة ادام عنية
اخرة صعبة عليا
وحياة عمرى اللى عشتة معاك
يابنى اوعا تنساني
طهرنى من زنوبى واحزانى
اعمل أعمال خيرية
تخفف زنوبى شوية
وافتكر انى عمرى فى يوم
ماكنت عليك جانى
وماتخليتش عنك
فى يوم وكنت انانى
اعمل يابنى اللى ربنا يقدرك علية
علشان انا مش هاشوفك تانى
بحبك يابنى ::::
محمود رمضان