""""""
شئ حوايا ناقصنى
فى حياتى شئ مهم
يكمل سعادتى ويبوسنى
يحرك فى العروق الدم
شئ فى دنيتى يكملنى
غيابه عنى بيألمنى
بس تايهه ملامحه منى
وتايه فى أحلام التمنى
نفسي يوم الآقيه
جايز يكون حرف فى كلمه
أو ضمة الآهل واللمه
شعاع نور يمحى الظلمه
أو يمكن حب مستنيه
جايز قلب بالحنان مليان
يصحى الحنان اللى جوايا نعسان
او المعنى انى انا آنسان
سره فى الحياه يحييه
شئ مخلي عقلى شارد
فى الآمانى شراعه فارد
آحتمال قربه وارد
يسمع الروح اللى بتناديه
كل واحد مننا
يبحث تمللى عن الآنا
والانا لجل الهنا
كلنا نسعى اليه
ولما نحصد كل آمالنا
وتتحقق كل آحلامنا
ويتم زمانى الكرم
والآقى عمرى أبتسم
الآقى لسه ناقصنى حلم
""""""""
وحيد احمد