ولو غلطنا ماحدش يلومنا او يعاتبنا حتى لو حساب اعز شئ ف حياتنا
المهم نوصل لهدفنا ونشبع رغبتنا ونعيش الحياه بمنتهى المتعه حتى لو الموت فاجئنا.
ما بنحبش حد يذكرنا بعيوبنا او ينصحنا مع الرغم ف مصلحتنا
لكن ضدد رغبتنا واوام وبسرعه ننهي كل شئ بكلمه بعد عشرة سنين كانت ف يوم بتجمعنا
بنعيش الحياه بمزاجنا حتى لو هانضحي بعمرنا وشبابنا.
وأصبحت الغريزه لها قيمه ومعنى وشئ جميل دايما بيسعدنا.
مع الرغم غدرنا وخونا ناس كانت ف يوم إسمهم أحبابنا
حتى ف طريقة تفكرنا ومنشوراتنا بنعبر عن كل شئ داخل قلوبنا.
مش مشكله لو هايضرنا قدام اللي خلقنا او حتى كان دافع لنهيارنا
وبعدنا حتى عن أولادنا وانهيار بيوتنا لكن رغبه ومستحيل تفارقنا.
ولسه لحد النهارده زي مااحنا وكل يوم تكتر زنوبنا وكله بسبب مزاجنا.
وساعات ندافع عن واحده منحله عشان نثبت وجودنا ونخسر اعز ناس بتقوم بخدمتنا.
بعد ما ربنا جمعنا داخل بيوتنا واصبح لينا كيان وسلطه ووضع ينفعنا.
مانعبر عن كل شئ شاغلنا ف الحلال زي ما ربنا أمرنا من غير مانجرح غيرنا.
ونخالينا ف حالنا ونكتب حاجه تنفعنا وترضي اللي خلقنا ونكون سبب هدايه ورحمه تفدنا بعد وفاتنا.
ليه نحب المتعه واللذه وننسى يوم ربنا فيه هايجمعنا ويحاسبنا عن نتيجة أعمالنا.
أصبحت قضيه نفسيه بتشغل دايما تفكرنا وهو دا سر فشالنا
تلاقي الظروف والمشاكل دايما ف طريقنا والدموع سايله والحقيقه بتوجعنا
يارب توب علينا وسامحنا ان كنا أخطأنا واجعل الإيمان كل حياتنا يهدينا ويسعد أوقاتنا....
شاعر العصر صاحب كلمه لها مضمون ومعنى يفيدنا وينفعنا بقصيده جميله تنال إعجابنا
وتحسن دايما من أخلاقنا وتذكرنا باللي خلقنا وداوي همومنا وأوجعنا ويرسم الفرحه دايما ف قلوبنا......
الشاعر طاهر مختارعتيت
شاعر العصر...تحيا مصر
طنطا....كفر الزيات..اكوه الحصه