العين تحكي من غير كلام
واحترنا مين يبدأ ســــلام
وهو صامت وقلبى ساكت
وروحنا هايمه فى الغرام
غايب عنى والبعد طال
في البعد قول إيه الحال
العند أخدك بعيد عنـــــى
ربى خلقنى طـويل البال
ياجميل وظالم فى الجمال
خف شويه و كفـايه دلال
عينيك منى وعينى عــليك
مهره أصيله وأنا الخـيال
تِعَبْت وعندى ليك ســؤال
هوايا جـــــواكِ ولا زال؟
صمت الشفايف قال كلام
وعينيك قالت إنك مــــيال
رمشك قال أنساك دا محال
رمشى قال فيك كام مــوال
مستنى بسمه من شـــفايفك
تلاقينى جيلك كدا فى الحال
لو رمشك لشفايفك مرسال
واللى جوا القلب له يتقــال
كنت أدبح الهجر بأعـتابك
انا قلبى و كلى اليك مـيال
أنت العين وأنا الننــــــــى
وهواك من بدرى مــجننى
ضمني بقى بحضن هواك
من زمان هواك مناسبنـي
الشاعر/عبدالحميدطيرالبر