لما تضحك
لما تضحك ترسم الضحكة في ملامحك وردتين..
يبدا العالم ينور والحياة تحلو اكتر والزمن يكتب في حسنك غنوتين ..
العيون قنديل منور والشفايف فوقها سكر والرموش زى المساكن ليل وساكن يطوى جرح المجروحين...
الحياة لو تبق جنة نرسمك حلم في خيالنا ندعي تتحقق امالنا مانت وحدك جنتين...
العيون غيرانة منك والفؤاد كلمني عنك والملامح طير وسارح فرحة تسعد محرومين..
يللا نبنى في عشنا بالفرح طوبة والحياة تضحك لنا ونعمل خطوبة نعيش ونلبس دبلتين..
نلبس الطقم المزوق نبتدى الانوار نعلق ترسم الاحلام دروبنا ونمشي بالشوق مليانين..
تفرح الدنيا لفرحنا يبق وسع الكون براحنا مهما جينا ومهما روحنا نبق للشوق موعودين..
تيجي لينا الناس تبارك كله في الافراح يشارك مين يغنى ومين يهنى ونبقا بيهم فرحانين..
الصغار شايلين شموعنا والكبار زاينين جموعنا والامل يقدر يساعنا وسط ناسنا الطيبين..
بس قولى ياحتة منى ياللى بعيونك اسرنى كنت غايب عنى فين...
مانحرمش العمر منك والوجوديبقالى حضنك والنصيب يوعدنى انك ويا قلبي مكملين...
لما تضحك ترسم الضحكة في ملامحك وردتين
بقلمى ..نبيل عبد الرحمن
لما تضحك ترسم الضحكة في ملامحك وردتين..
يبدا العالم ينور والحياة تحلو اكتر والزمن يكتب في حسنك غنوتين ..
العيون قنديل منور والشفايف فوقها سكر والرموش زى المساكن ليل وساكن يطوى جرح المجروحين...
الحياة لو تبق جنة نرسمك حلم في خيالنا ندعي تتحقق امالنا مانت وحدك جنتين...
العيون غيرانة منك والفؤاد كلمني عنك والملامح طير وسارح فرحة تسعد محرومين..
يللا نبنى في عشنا بالفرح طوبة والحياة تضحك لنا ونعمل خطوبة نعيش ونلبس دبلتين..
نلبس الطقم المزوق نبتدى الانوار نعلق ترسم الاحلام دروبنا ونمشي بالشوق مليانين..
تفرح الدنيا لفرحنا يبق وسع الكون براحنا مهما جينا ومهما روحنا نبق للشوق موعودين..
تيجي لينا الناس تبارك كله في الافراح يشارك مين يغنى ومين يهنى ونبقا بيهم فرحانين..
الصغار شايلين شموعنا والكبار زاينين جموعنا والامل يقدر يساعنا وسط ناسنا الطيبين..
بس قولى ياحتة منى ياللى بعيونك اسرنى كنت غايب عنى فين...
مانحرمش العمر منك والوجوديبقالى حضنك والنصيب يوعدنى انك ويا قلبي مكملين...
لما تضحك ترسم الضحكة في ملامحك وردتين
بقلمى ..نبيل عبد الرحمن