كتب القلم حروف م الصمت
كلام كتيير مالوش نهايه
كتب القصه بروعه كاتب
نسج خيوط بقت الحكايه
وصف الألم بحاله عاشق
عاش الحكايه كإنه معايه
كتب روايه فارسها الالم
كتب النهايه قبل البدايه
أوصف ياقلم نبض القلب
وليل السهر لحظه شقايا
وحرق الدمع فوق الخد
وقت الشكوي لحظه جفايا
نطق القلم قالي أنا همس
أكتب حب وأرسم ضحكايا
انا مقدرش أوصفلك حاله
دا انتي حكايتك دي حكايه
إسمع واكتب كمل جميلك
إنزف يلا ولبي ندايا
إحكي حكايه آلم طويله
عاشت جرح سنين جوايا
قصه حب وعشره كبيره
وقت البرد كانت دفيانه
شفت الــحب دنيا جميله
بعد بكايا بقيت عميـــانه
شربت الحلو معبي ف كاس
أتاري الــــمر دا يبقي دوايا
اكتب يلا بدمع العين
وإحكي حكايه يوم ف هوايا
بقلم/شيماء محمد