.........................
حكم علينا الهوى
ما نشوفش بعينينا
والقلب داق وإنكوى
وإختار تكون لينا
حسك غرامه ودوا
وعشق قلب لهواه
كان حلمه يكمل لقاه
بان قلبه مش لينا
أشكي أنين وحدتي
وقلبي اللي طال دقه
لا سمعت آه الألم
فوته وضاع حقه
أغزل في توب قربكم
بالدمع من عيني
وأستنى شوق حضنكم
كام ليله ما يجيني
وأقول يا ريت ودكم
لو حتى يناديني
عشمتوا ليلنا بسهر
وعشق نجم لقمر
بكيتوا قلبي إتحرم
وإحساسكوا مش لينا
روحتوا لغيرنا بغرام
ولا مره شوفتونا
شارين وقالوا ده باع
وسجنوا شوقنا بوداع
سبتولنا نهر لعذاب
ملياه بكا عينينا
حكم علينا الهوى
نعشق ومش لينا
بقلم .. صبري رسلان