انكسرت لما شوفت
فى ايده واحدة من سنة
انكسرت لما جالى يقولى
كدب ده مش أنا
قولت له اللى معاك
كانت صديقتى وصحبتى
وإنت بالنسبة لى كنت
نور حياتى ودنيتى
ليه بتكدب ليه تخبى
عينى شافت غدركم
كنت ارفض إنى أسمع
أى حاجة تمسكم
كنت أشوف نظرة عنيك
لما تلمح ضلها
الغرام باين عليك
كنت قولى بحبها
كنت ممكن إنى أسامح
لو حكيت عن عشقها
إنت هى نفس الملامح هى
شكلك وإنت بردوا شكلها
سيبنى وامشى وعيش حياتك
طولها زى عرضها
وأنا همحى زكرياتك
وأى حاجة تخصها
الألم ساكن فى قلبى
والعيون عاشقة الدموع
النهاردة شطبت حبى
وصفحتى ما فيهاش رجوع
بقلم : فاتن محمد رشاد