"""""""""" ""
يا آه مليانه بالوجع
وكاسره قلب الجدع
فى زمن متلون بالبدع
والكون حواليك بيولع نار
لما تهون علي صاحب باعك
داس علي قلبك .شل دراعك
سمم فى حياتك اوضاعك
مقتول وتطلع جبار
لما تقوم م النوم مفزوع
وتشوف الاصول بتضيع
وصوت الحق مش مسموع
والعدل أتخنق وطار
لما الرحمه من القلب تهرب
والحبايب عن بعضها تتغرب
والبشر للشر ترغب
والنفاق له صناع
لما تكون للحب عاشق
جواك أخلاص ومبادئ
وبالحنان تمللي بادئ
وتلاقى المقابل خداع
لما تلاقى نفسك وحدانى
والكون كله حواليك آنانى
والظلم بيتوزع فى صوانى
والباطل له الف دراع
وتشوف فى نومك كوابيس
الظالم بيزفوه عريس
والبشر بتعلم إبليس
وكل الوشوش لابسه قناع
اعرف ان الحق ضاع
وقول للدنيا الوداع
"""""""""
وحيد احمد