مطلوب منى اصارحك
متطلبيش اسامحك
جايلى بعد جرحك
وتقوليلى سماح
حبيتك حب طالب
يتمنى فى يوم نجاحه
حبيتك حب جندى
وانتى كنتى سلاحه
كنتى معنى الفشل
للطالب يوم نجاحه
كنتى زناد وانكسر
للجندى فى سلاحه
يعنى فشل النجاح
يعنى انكسر السلاح
متطلبيش سماح
حبيتك حب يشفى
مريض زادت جراحه
حبيتك حب وطنى
وانتى كنت كفاحه
كنتى ضمير انعدم
لمريض زادت جراحه
كنتى تاريخ واتهدم
الوطنى و مات كفاحه
يعنى تزيد الجراح
يعنى مات الكفاح
ومتطلبش سماح
مطلوب من اصارحك
ومتطلبش اسامحك
جايلى بعد جرحك
وتقوليلى سماح
كلمات
الشاعر / محمد السيد سالم