بعد ماملكتي عرشي وسنيني.
تعالي وامسحي صورتك من عيني.
قربي مصي صوتك اللي في وتيني.
وياريت بالمرة بلاش في احلامك تلاقيني.
ابعدي كمان شويه وامشي وسيبيني.
وعن طيفك وخيالك ابعديني
اكرهيني.
عشان انا اللي بقيت اوعد وما اوفيش.
إيه يعني كنت طبيبك ودوا لجرحك غيري مفيش.
فيها ايه لماكنت سكينة المك وغيري ماحسكيش.
لما ضاق قلبي عليكي والمطرح فيه ماكفاكيش.
دوسي بالاوي عالحب وسنينه ماتتردديش.
ياريت تفرحي في بعدي امنيتي صدقيني.
اكرهيني
ايه اللي جرا لما الضهر اتحني.
والشعر في هواكي شاب.
لما فرشتلك ضلوعي طريقك.
وفتحت لقلبك كل الابواب.
انسي طبطبتي علي وجعك.
وماتغنيش غنوتنا للاحباب.
انا اصلا ما انفعكيش.
في الاخر لقيتيني واحد كداب.
ولكل اوقاتي معاكي انسي بلاش تفتكريني.
اكرهيني.
سلمي روحك لشيطان الكبر والعناد.
اصل كرامتك نقحت عشان خلفت ميعاد.
وانا كمان غلطان اتعب ليه وازاي.
هو انا بشر ولا يوم كنت انسان.
ده انا حتة اله ومشاعري كمان جماد
خليني طور في ساقيه واتسوح في البلاد.
بلاش ازعل السنيورة واشمت فيها الحساد
كله الا كرامتك هي ليكي في الدنيا الزواد.
افرمي القلب اللي اتملي بعشاقك وزهادك.
اللي انا كنت منهم واتقفل في وشي بابك
وزي ماقولتي وجعك بيجي من احبابك.
يبقي مالوش لزمه اللوم ووفري عتابك.
وبلاش تدوريلي علي اعذار وياريت بلاش تسامحيني
امال ازاهي هتعرفي تكرهيني.