وذكر المولى ف التراويح
وركعة ف سجدة تتوضى
بدمع خشوعها بالتلميح
هنا المجاريح 👇
وسطو الريح ،، على النخل اللى كان عالي
وجز جذوره بالتصريح
هنا المفاتيح بدوب أبواب 🔑 🔐
هنا المتساب مريض .. و .. طريح ؟
- هنا الوطن اللي بات مغلوب !
- وجرح القلب مش أيوب !
هنا هبوب الشتا الممطر
هنا المنبر ،، هنا الدبدوب 🐹
هنا كل شيء .. و .. مباح 👉
- هنا الدباح ،، هنا الأعوان !
- هنا القاتل بريء .. و .. مدان ؟
هنا سلاح الندى الفتاك 🔪
هنا الكونياك ،، هنا الخمرة 🍷
هنا الشجرة اللي دبلت ضل
هنا النخلة اللي بلا تمرة 👇
هنا اللص اللي سرق البال .. وطعن القلب بخناخر
هنا التاجر بدين الله .. وأقدم مدده ف الحضرة
هنا الرقص اللي أصبح طقس 👉
ف توبه ضاب .. و .. شبورة
( هنا التباشير رفض يكتب
يا سبع الليل ف سبورة )
هنا الصورة اللي ألوانها ف كادر الزاوية
مكسورة ؟؟ 💔
هنا الوطن اللي حن ظلمه .. على الأخر
هنا إتاخر جميع الفرح .. عن كل اللي كان ساخر
- هنا عشنا ،، هنا هنموت !
- هنا عيشنا .. و .. عرق القوت !
هنا القرش اللي كرمش نفسه للبقال
ومستناش يعيش ف جيوب
هنا الشقا نقى همتنا 👉
رزقنا اللقمة بالمكتوب
#هنا 💘
#بقلمي_هاني_السيد ،،