دامى القدم من القدم بيذنبوك
تزرع امل يطرح فى عمرهم
يسقوا كيعانك خوف
منزوعة من قلوبهم رحمة الملهوف
عرقك تمن شقى اﻷيام
محروم من اﻷحلام
اما ان حلمت ف يوم
بيحطموا الاحلام
وضلوع قلوعك تنحنى لقدام
العيشة كفر ف نهجهم
ضلك لهم انعام
لا الجسر يخلص منه يوم الشوك
ولا عمرهم حبوك
وسط الميدان ضربوك
جوه الحيطان دفنوك
ملعون ابو السجان
مخروس ليه يا لسان
دم الولايا هان
لساك ياشوك الحفى
تدمى قلوب الناس
دى الارض ما تنداس
ليه الفقير منداس
طول عمرها بتتزرع والنيل بيرويها
والورث لمين فيها
ابن اللى خاربها والا اللى بانيها
##مصطفى_قمر