يا دنيا يا اللى نسيانا
وسايبة الجرح جوانا
خلاص تعبنا م الأحزان
ألم وفراق بيغوانا
أنا تعبت و ما اتكلمت
كتير م الهم أنا اتحملت
وشايلة كتير بقالى زمان
ولا حتى فى يوم سلمت
الناس شايفنى فرحانة
وأنا من جوه زعلانة
على اللى راحوا منا زمان
من يومها السعد ما جانا
كتير منا حاسس إنه
من كتر الهم زاد سنه
غريب ووحيد فى كل مكان
وقلبه ضعيف وراح منه
وكأس المر أنا دوقته
قسيت من كتر ما شربته
وضاع من قلبى أى حنان
من كتر بكايا أدمنته
يا عينى نزلى الدمعة
على ناس راحو مش سامعة
أنينى ووجعى م الحرمان
وتايهه فى دنيتى ضايعة
على قلبى جت القسوة
ونفسى م الأمل فرصة
ويرجعلى تانى الإيمان
واحس إنى بقيت عايشة
بقلم : فاتن محمد رشاد