الوداع قرب
لو استقام خط قلبي
ونبضه وقف بيا بنص دربي
ابقوا افتكروني
اتمني تزوروني
وادعولي كمان
بالرحمه من ربي
ياللي سبقتوني عالقبور
احكولي اوصفولي الحياه
استنوني كمان هانت والاله
اهلي وناسي
سامحوني
ان كنت ناسي
اسف للكبير والصغير
كان نفسي عشانكم اتغير
القرايب الحبايب الجيران
انا مسامح وطالب ليكم الغفران
ابني حبيبي نور العيون
هيوحشني لعبك وقلة الراحه للجفون
كنت حابب معاك اكون
وانت بالزفه فرحان مجنون
اااه يا امه
النور بعيني
ضلمه
كاره عشانك الفراق
بس نصيب وحكم الخلاق
ماتزعليش عليا
ولا تبكي ياعنيا
ابويا واحشني خلاص
ميعاد الزيارة قرب
ضمني ليه بكل احساس
قاللي كفايه تتغرب
هي دنيا فانيه
ماسك ليه فيها
تغدر بك في ثانيه
وبعد ما ملكتها مش هتلاقيها
ربي يارحمن ياغفور
الذنوب واقفه طابور
طمعان برحمة وهدي ونور
توب عليا قبل مماتي
حببني في لقاك بصلاتي
واغفرلي الحاضر والاتي
القلب ليه عنك
دايما مفارق ومتغرب
مع انه خلاص
الوداع قرب
