قلبك جايبك ؟ ... أنا كدة راضى هشام على مجلة مليون شاعر

قلبك جايبك ؟ ... أنا كدة راضى
بتسيبنى كتير
وتروح وتغيب
وأنا باستناك هنا ع الفاضى

بقى ده اسمه كلام
أسهر وتنام
وانا وحدى أفكر فى الماضى

طب قصدك إيه
شاور لى عليه
ماهو بقى رأيك شئ عادى

تدينى ميعاد وأنا أستنى
وما تهونش علىّ ولا أستغنى
وتروح ولا تسأل لية بعادى

إرحمنى وبص لى فى عينيه
شوف جرحك دبلها شوية
م بناقص أحلم بودادى

أنا ح أقسى عليك غصب عنى
مع إن غرامك ملازمنى

ما يا إما تروح بالمرة تغيب
وإن راحوا وجم ألف طبيب
ده دوايا تحن على فؤادى

أنا سيبتك للقدر إللى باعتنى
يتصرف فيك لو يوم جيتنى
يشرح لك شئ من أمجادى

مش ح أكدب ولا أقول لك كلمة
ولا أصور لك كدة أى حوار
و ح أودع سيرتك ببعادى
وأظن إن أنا كده قولت قرار
......................................
قلبك جايبك
من مؤلفاتى
الهرم فى
30/8/2019
هشام على