..لسه صغيره...
البنت لسه صغيره.
وبلعب العيال متحيره.
رايحه المدرسه الصبح.
وراجعه لهدومها مغيره.
ليه تحملها بيت.
وراجل ايه اللي جرا.
مستعحل ليه يا ابويا.
الدنيا لقدام مش لورا.
فين طفولتها واحلامها.
ليه ليها بقت متاجره.
كمل تعليمها وربيها.
لسه بدرى مش متاخره.
هاينوبك حج وعمره.
غير كده شغل مسخره.
متجوزه لا فاهمه ولاعارفه.
اصلها زي العيال بتوع مشوره.
ماتفرحش بجسم فاير.
ولا طول وخلقه مدوره.
استني تكمل سنها.
وصحتها متبقاش مدهوره.
لما تعرف تفكر وتقرر.
وماتكونش ام مستهتره.
من فصلها علي الكوشه.
قاعده ملبوخه مش مقدره.
فرحانه زي العيال بنقره ونقوره.
يجي جوزها يكلمها.
تبقي مش فاهمه ومتكدره.
ماهو اصل الطلاق من كده.
والبيوت خلاص مش متعمره.
ونرجع نلطم الخدود.
وياريت اللي كان ماجرا.
عشان استعجلت يا ابويا.
ونسيت انها عيله صغيره.
عايزه تنطيط وشقاوه.
وبين اللعب تقف متحيره.
ياريت من كل اب يبطل عِادة خروج البنات من المدارس عشان يتجوزوا
ِ