شيطان شعري / فهد الشمري
ِنفَسْ شاعر ، بداخلي وقف ومات
تشيع القوافي وسط بيوت حزنه
هي حروف ، ما بقى منها رفات
حطيت حفره عليها الرمل حفنه
على قبره وقفت ، و ذهني شتات
من ماي الحيىَّ ، انعجن طينه
أسترخص فيه دقيقة صمت ثبات
له وقفه ، من قال الله يعينه
قصيدة رثاء ، بحدايقنا الورد بات
ظمى يموت ، عليه الجراد أمنه
تفوح علينا عطوره مع النسمات
على الذكرى ، صار أكثر من سنه
قصيدة مدح ، براعي العليا آت
بكل العطايا ، في منه و منه
جبل ذهب معدنه ، وسط الفرات
ولا أحد ، من البشر غرف منه
قصيدة وطن ، أنساك لا هيهات
بس هو النسانى ، ما سأل عنه
خيره للغريب ، احنا لنا الفتات
لك متوحدين بدعانا شيعه وسنه
قصيدة سياسيه فيها الوضع آهات
بالعلن يبتزنا حرامي ياخذ الخزنه
اصحوا يا عرب ، كافي نوم و سبات
من تفرقنا ، عليه العوض كأنه
قصيدة الأم ، خالية من الزلات
فيها العاطفة ، طيب أنتِ و محنه
يا روعة أبيات ، تتغنى شيلات
موزنه وزن ، لها معنى و رنه
قصيدة غزل ، حساب ويه الذات
كافي حرب ضد النهد ، هدنه
من السند للهند ، شواطيهم عرات
هي النظره الأولى ، بداية الفتنه
تُقبل التوبه ، ولا الأوان فات
النار تخنق ، محلى ريحة الجنه
معصومه يا روحي ، كفر أبيات
من شيطان شعري ، هذي الطعنه
