غابه بقلم احمد شاهين
لما اللى منك يجرحك
يتمنى يصبح مطرحك
ولا عمره يوم بيفرحك
يبقى القيامه لازم تقوم
إخوات ومش حاسين ببعض
مع إن بينهم عضم أرض
بالعكس دا بياكلوا فى بعض
وبيبعدوا يوم بعد يوم
لما اللى مفروض بيواسيك
يضحك ويشمت هو فيك
يبقى السبب فى دموع عينيك
وبيعرفك وقت اللزوم
لما المشاعر تختفى
الحب نوره ينطفى
يا دنيا لو يوم تنصفى
راح تختفى كل الهموم
لما القمر ينسى السما
تصبح حياتنا. مضلمه
تبقى النفوس متألمه
ما تشوفش ولا حتى النجوم
كلمات احمد شاهين