........ضل الشجر ........
امير وعايش كل عمره في الحضر
ماشي فخور يقول انا القادر المقتدر
عايش حياته كلها ما بين لاعب وسمر
نهاره ليل وليله نهار وايا القمر
ومره قال انا نفسي اعرف ايه جرالي
مش راضي انا عن حياتي وعن حالي
انا لازم انزل وادور كده في البراري
واختار له ليله وكانت ليله مطر
وفضل يمشي والمطر نازل عليه
حتى هدومه اتغرقت مطره عليه
ولا احد شايفه على مرمى عينيه
لا من الحيوانات ولا من البشر
وفجاه شاف بعض الغجر متجمعين
من المطر تحت الشجر مداريين
وقف وقال اشمعنا هم مستورينن
هتحسدوا الغجر على ضل الشجر
كلمات
محمد السيد سالم