فاكرك ودايما علي بالي.
وماغبتش لحظه عن خيالي.
روحت ومشيت وسبتني.
وبعدك يا ابويا اتغير حالي.
كنت حمايتي في الدنيا.
والاجابه دايما لسؤالي.
معايا مهما يطول عمري.
اوحتي تفوت وتمر الليالي.
طيبت جراحي بحنانك.
وذكراك سبب انشغالي.
عطفك غطاني من صغري.
وبحبك حققت آمالي.
بادعيلك بالجنه والرحمه.
واملي ليك النعيم العالي.
محدش غيرك حسني.
ان كان عمي اوحتي خالي.
بعدك دوقت المر.
والدمع كان هو موالي.
فاكرك ودايما علي بالي.
وماغبتش لحظه عن خيالي.
اللهم ارحم ابي واباء المسلمين واغفر لهم جميعا.
واحشني يا ابويا عليك رحمة الله.
ابنك محمد