الناس مش قادرة تبكي والعين مش عايزة تنزل دمع وتدمـع
وأهة القلب جوه الصدر بقـت اهـــات محبوسه بترن وتسمع
ولسعة الجوع خلاص صـبحت نار قايدة جوة البطون بتولـع
والفقر صبح خيمة مهربدة قايمة وضـلها بيلملم الكل ويجمع
والريق ناشف ولا هدمة تداري الجتة ولا لقمة نـاشفه بتشبع
الذل عشش جوانا وبقى عايش معاانا صاحب دار فيها متربع
نقعد مع بعض نسكت نحتارمين فينا يشكي ومين راح يسمع
ناس بتاكل زبالة وعالم عايشة بكمبيالة و ناس للـكلاب بتدلع
ناس عايشه عالة عا الخلق محتالة زي قلتها لاتضر ولا تنفع
نسينا أصلنا بناكل لحمنا حتى توب الحيابقى مقطوع ومرقـع
ومين يحن عالغلبان ويصبر الزهقان ومن تاني لعزنا يرجـع
صابرين يارب لحكمتك ويمكن صبرنا يوم القيامة لنا يتشفع
محمد ابو الفتح.......