بيعوض سنين حرمان
وبنتوه فيها ب الفرحه
مع النسيان
لكن وانا جمبه تعبانه
مجننى
حاجات تعبانى وجعانى
بتقتلنى
بقولك روح
حبيبى أبعد
مكان ماتروح
كفايه وجعت
قلبى معاك
سنين مجروح
ماتتعبنيش
خلاص م اليوم
ده هاقدر اعيش
انا يمكن بعيش
جمبك حلاوة روح
كفايه عليا
أعيش مع نفسى مرتاحه
وإيه الفايده
من حبك مفيش راحه
حاولت كتير اقول عادى
وما اتألمش
وقلبى يخبى ويدارى
مايتكلمش
طب اعمل ايه معاك تانى
ياريت تبعد وتنسانى
انا قررت اعيش وانساك
وما استسلمش
ومش هنسى
اللى انا شوفته وانا وياك
ولا هنسى سنين
جرحى وعذابى معاك
ومش هتعب ف يوم بعدك
لكن هتعب عشان أنساك
هعود نفسى ع النسيان
وهتغير لنفسى كمان
هعيش علشانى ولواحدى
وهتحمل وجع قلبى
خلاص واهى فتره وتعدى
لكن هنساك
سحر محيسن