فيكى الغنى بالكيف أعرج وشايل سيف
فيكى اللى باع برغيف ولا سد جوع جوفه
فيكى اللى شال خوفه على سن سنجة وطاح
غرق مساكينك مرعوب بيرعب مين
فيكى اللى سره دفين مبطوح بأنه امين
فيكى اللى شال الطين فيكى اللى باع فدادين
فيكى الشرف سبة ضايع من الحسبه
--- فيكى اللى باع دينه لأجل سداد دينه
فيكى اللى شال الفاس حافى مالاقى مداس
فيكى اللى عفنه فاح فيكى اللى صدره براح
فيكى اللى ضله خفيف نسمة هوا ف الصيف
فيكى اللى رعده مخيف ولا لوش فى نقطه مطر
فيكى اللى عزم السفر فيكى غريب البشر
فيكى اللى يشبه نخل تمره طعام الاهل
فيكى وفيكى كتير فيكى اللى يزرع خير
فيكى المريض بالذل هاوى يطاطى الراس
فيكى عزيز النفس وانا ابقى مين فيهم
انا اللى ضمه الرمس والا اللى فوق الارض
انااللى صان العرض والا اللى فرط فيه
انا اللى صلى الفرض والا شيطانه غاويه
ردى يا بنت الايه
انا ابقى فيكى زعيم والا تقولى حكيم
ضاعت هبا خطاويه
-- انا طرح نبتك ف العجاف
او مايه حضناها الضفاف
والا عزيز شاف رؤيتك
او حتى يوسف لما شاف
أن الأمان توب حضرتك
فرعون يجوز او موسى بعصاية الامل
عيسى ام زارك والبتول فى صحبته
انا كل دول وكل واحد حصته
يا بنت من كتب التاريخ فيكى
ومين رسم حدود البسمة فى خدودك
ومين خرط عودك انا اللى ضل بوعودك
مصطفى قمر