هجرك ليا حبيبي عذبني وحبك وهواك دوبني
وبعدك عني طال وزود جوايا همي وجرحني
لإمته ح افضل احبك واتمني قربك وانت تألمني
واتمني ودك ووصالك والقاك هآجرني
دنيتي في بعدك عذاب وفراقك مخليني في مرار
مش حاسه اني عايشه لا ليل ولا نهار
نسيت في بعدك شكل ابتسامتي
وحرمت عليا ليالي الغربه طريق ضحكتي
وودعت ياعمري وانت مش معايا هنايا وفرحتي
حبيبى اوعاك تكون نسيت سنين انتظاري
لما كانت اشواقي سارقه مني افگاري
وكان كل امانينا و امل عمرنا تجمعنا الليالي
واياك ياغالي تكون نسيت كمان لهفتي لمواعيدك
وحلم الليل كله اللي كنت بحلمه وإيدي حاضنه ايدك
وكنت احس بالليل غيران منك ومش راضي يعدي
علشان لا تجيني ولا اجيلك ولا يهدا وجدي
فين هوانا اللي ياما رددوا اهل الهوي رواياته
وفين عشقنا اللي ح يفضل ببن الأحبه تحكي احلي ذكرياته
وفين احاسيس ومشاعر حبنا اللي بفرحتنا
حفرناها
وفضلت ذكري جميله علي كل خطوه سوي مشيناها
وفين الأماني ياحبيبي والأمآل والأحلام
اللي كانت بترسمها دقات قلوبنا اجمل انغام
وفين ياعمري عش غرامنا وحبنا
اللي حلمنا بيه جنه وكنا عايشين فيه من صغرنا
دي الوقتي ليه هجرك وبعدك خلوه مليان جراح
حتي دمع العيون جرحت الخدود ونسينا الأفراح
وليه الحلم اللي حلمنا بيه سنين طويله بسرعه رآح
وزادت جوانا ياحبيبي نار الحنين و الأشواق
والقلب اللي عشقك ليه يصبح عطشان وتعبان من الفراق
نفسي اشوفك ياواحشني تعالي وكفايه بُعاد
فرحني تاني واوعدني بليله تحييني وياريت تقرب الميعاد
هستناك تيجيني يانور عيني وتّْرجَّع لقلبي فرحته تاني
وينسيني حضنك ايام الهجر والفراق وتتحقق الأماني
خواطر ( أشرف الدغيدي )